ჩვენი გუნდი / მარიამ ხარებაშვილი

სპეციალისტი

მარიამ ხარებაშვილი ადამიანის უფლებათა დაცვის სამდივნოს გუნდს 2022 წლის ივნისში შემოუერთდა.

მარიამმა წარჩინებით დაასრულა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. მინიჭებული აქვს ილიას სახელმწიფო უნივერსიტეტის საჯარო სამართლისა და პოლიტიკის მაგისტრის ხარისხი. ამჟამად, მარიამი ივანე ჯავახიშვილის სახელობის თბილისის სახელმწიფო უნივერსიტეტის სადოქტორო პროგრამაზე სწავლობს.

მარიამი არაერთი პუბლიკაციის ავტორია, რომლებიც გამოქვეყნებულია სამეცნიერო ჟურნალებში და ადამიანის უფლებების დაცვას, მათ შორის გენდერული თანასწორობის, სექსუალური შევიწროების და ქალთა უფლებების დაცვას ეხება.

2019-2022 წლებში, მარიამი მუშაობდა საქართველოს პარლამენტის იურიდიულ საკითხთა კომიტეტის თავმჯდომარის პირველი მოადგილის თანაშემწის პოზიციაზე, სადაც უძღვებოდა სამართლებრივ და ორგანიზაციულ საქმიანობას, რაც გულისხმობს კომიტეტის სახელით საკანონმდებლო ინიციატივათა პროექტების, მათ შორის ადამიანის უფლებების მდგომარეობის გაუმჯობესების მიზნით ინიცირებული კანონპროექტების მომზადებას. უშუალოდ იყო ჩართული საქართველოს პარლამენტში შექმნილ ბავშვის უფლებათა დაცვის მუდმივმოქმედ საპარლამენტო საბჭოსა და გენდერული თანასწორობის მუდმივმოქმედ საპარლამენტო საბჭოს მუშაობაში. ასევე მისი საქმიანობა მოიცავდა საერთაშორისო დონის შეხვედრების დაგეგმვასა და განხორციელებას, მათ შორის საპარლამენტო მეგობრობის ჯგუფების შეხვედრებში მონაწილეობას.

2019-2020 წლებში, მარიამი გახლდათ ა(ა)იპ ,,ჯეი ენდ თი ქონსალთინგის სასწავლო ცენტრის“ თანადამფუძნებელი და ხელმძღვანელობდა ინსტიტუციური სასწავლო ვიზიტებისა და სოციალური პროექტების მიმართულებას.

2018 წელს მუშაობდა საქართველოს ცენტრალური საარჩევნო კომისიის საარჩევნო პროცესების მართვის დეპარტამენტში, სადაც უშუალოდ მონაწილეობდა საოლქო საარჩევნო კომისიისა და საუბნო საარჩევნო კომისიის წევრების გადამზადებაში.

2018-2019 წლებში, მარიამი სტაჟირებას გადიოდა სახალხო დამცველის აპარატში და თბილისის საქალაქო სასამართლოს სამოქალაქო საქმეთა კოლეგიაში.

მას მონაწილეობა აქვს მიღებული არაერთ სასწავლო ვიზიტში, მათ შორის 2022 წელს იმყოფებოდა ესტონეთის დიპლომატიურ აკადემიაში.

 

˄